මේ වන විට සමීක්ෂණ මගින් හෙලිකරගෙන ඇති තොරතුරු වලට අනුව කාන්තාවන්ට මානසික ගැටලු ඇතිවීමේ ප්‍රවණතාවය පිරිමින්ට වඩා දෙතුන් ගුණයකින් පමන වැඩිය.ඒ සදහා බලපාන හේතු සාධක කිහිපයකි.
කාන්තාවන්ට ආවේනික යම් හැගීම්,ක්‍රියාකලාප යනාදිය එක් හේතු සාධකයකි.නිදසුනක් ලෙස දක්වන්නේ නම් කාන්තාවන්ගේ සමහර හැගීම් දැනීම් සගවා තබා ගැනීමට ඇයට සිදු වේ.ඒවා ක්‍රමයෙන් මානසික ව්‍යාකූල අවස්ථාවන් දක්වා වර්ධනය වේ.
කාන්තා ජීවිතයේ විවිධ අවස්ථාවන් ස්වභාවයෙන්ම පීඩාකාරීය,වැඩිවිය පැමිනීම,ඔසප් වීම,දරු ප්‍රසුතිය,ආරක්ෂාව පිළිබද ගැටලු,විවාහය,නිවසේ හුදකලා වීම,පුරුෂාධිපත්‍යට යටත්වීමට සිදුවීම යනාදිය දැක්විය හැක.
සැදැ සමයට ලගාවීමේදි ඇතිවන මානසික ගැටලු.
කාන්තාවන්ට පමනක් ආවේණික මානසික ගැටලු මොනවාද ?
ඔසප් වීම සම්බන්ධව ඇතිවන ගැටලු
ඔසප් සමයේ කායිකව ඇතිවන යම් යම් අපහසු තාවයන් සමග කාංසාව, නොරිස්සුම් ස්වභාවය,අවපීඩන මනෝභාව,වැනි මානසික වෙනස්වීම් ඇති වේ.කාන්තාවකගේ ඔසප් චක්‍රය සමග ඇයගේ චර්යාවන් තුලද යම් වෙනස් වීමක් ඇතිවනු දැකිය හැක.විශේෂයෙන්ම පියයුරු,උදරය,යටිබඩ ආශ්‍රිතව ඇතිවන වේදනා අපහසුතා නිසා මානසික ව්‍යාකූල භාවයන් හට ගැනීම නිතතින්ම සිදු වේ.එමෙන් ඔසප් දින කිහිපය යනු කාන්තාවකට ඉතා අප්‍රසන්නව ගෙවි යන දින කිහිපයකි.මෙම අවධියේදි බලපානු බලන ජීවවිද්‍යාත්මක සාධකයක් ලෙස සිරුරෙහි හෝමෝන වල සහ තරල ප්‍රමාණයේ අඩුවැඩී වීම් වෙනස්කම් සිදුවන බව වෛද්‍යවිද්‍යාත්මකව සොයාගෙන ඇත.මෙවැනි බොහෝ කරුනු ඇයගේ මානසිකත්වය වෙනස් වීම කෙරෙහි බලපානු ලබයි.
දරු ප්‍රසූතිය හා සම්බන්ධ මානසික ව්‍යාකූලතාවයන්
දරු ප්‍රසූතියකින් පසු කාන්තාවකට යම් ආකාරයක මානසික ව්‍යාකූල භාවයන් ඇති විය හැක.ඒ සදහා බලපානු ලබන හේතු කාරනා කිහිපයකි.
ප්‍රසූතියෙන් පසු සති හයක පමන කාලයක් ගතවන තෙක්ම සිරුරෙහි සිදුවන ලිංගික හෝමොන් සාන්ද්‍රණය ඉහල යාම
කෝටිසෝල් සාන්ද්‍රණය ඉහල යාම.
ප්‍රසූතිය අතරතුරේදි සිදුවන ආසාධන
දරුවාගේ මුල් වයස් කාලයේදි මවගේ වගකීම් වැඩීවීම මත ඇතිවන අවිවේකි බව.
ආර්ථික ගැටලු වලට මැදීවන කාන්තාවන්ට බිළිදාගේ අවශ්‍යතා ඉටුකරගැනීමට යාමේදි ඒ මත විදින්නට සිදුවන පීඩාවන්
දරු ප්‍රසූතියකින් පසු කාන්තාවනට වැලදිය හැකි මානසික ආබාධ වන ප්‍රසව විෂාදය,ප්‍රසවයෙන් හටගත් සයිකෝසිස් වැනි තත්ත්වයන් ඇති වීම.
ප්‍රසවයෙන් පසු ඇතිවන විෂාද තත්ත්වය.
දරු ප්‍රසූතියෙන් සති දෙකක පමන කාලයක් ගෙවියන විට ඇතිවන තත්ත්වයකි.මාගේ ඤාති සහෝදරියකට මෙම තත්ත්වය ඇති වීමෙන් පසු ඇය ඇගේ දරුවා නොරිස්සන ස්වභාවයකින් පසුවිය.මෙහි රෝග ලක්ෂණ ලෙස විඩාපත්බව සහ කාංසාමය ස්වභාවයන් දැකිය හැක.මාස කිහිපයකට පසුව මගහැරි යන බවක් දැකිය හැක.දිගින් දිගටම මෙවනි තත්ත්වයක පසු වේනම් ඖෂධ සහා මානසික ප්‍රතිකාර වෙත යොමු කල යුතුය.
ප්‍රසවයෙන් පසුව ඇතිවන සයිකෝසියා තත්ත්වය
කාන්තාවන් 500 කගෙන් එක් අයකුට පමන ඇතිවන තත්ත්වයකි.සමහර කාන්තාවනට නොයෙක් ශබ්ද ඇසීම් රූප පෙනීම් වැනි භින්නොන්මාද ලක්ෂණද ඇතිවිය හැක.
ප්‍රසූතියකින් පසු ඇතිවන මෙවනි ගැටලු මත මව සහ බිළිදා අතර දුරස්බවක් ඇති වේ.එය දරුවාගේ වර්ධනය සහ ආරක්ෂාව කෙරෙහි සෘජුවම බලපානු ලබයි.සමහර කාන්තාවන්ට දරු ප්‍රසූතියෙන් පසුව සිට ගෙවි යන දිනවලදි කේන්ති යාම.දරුවා නොරිස්සීම,ස්වාමිපුරුෂයාගෙන් වෙන්ව සිටීම වැනි දෑ කිරීමට යොමු වේ.එවැනි දේ කෙරෙහි ඉහත සදහන්කල කරුනු බලපානු ලබයි.උපන් විගස තම බිළිදා මරා දමන කතුන් පිළිබදව ඔබට අනන්තවත් අසන්නට ලැබි ඇත.එවැනි රුදුරු ක්‍රියාවක් කිරිමට ඇය පෙළඹුන කරුනු අතර ඉහත සදහන් කල මානසික අවපීඩන ස්වභාවයන්ද තිබෙන බව අප අමතක නොකල යුතුය.එවැනි මව්වරුන් දෙස අප එක හෙල අප්‍රසාදය පලකලද එවැනි දෙයක් කිරීමට තරම් ඇයට බලපෑ මානසික ව්‍යාකූලභාවයන් බොහෝ තිබුනා විය හැක.
ඉහත සදහන් කල කරුනු පිළිබදව කාන්තාවන් පමනක් නොව,පුරැෂ පාර්ශවයද දැනුවත්ව සිටිය යුතුය.විවාහක යුවලක් නම් තම බිරිදගේ යම් යම් වෙනස්වීම් කෙරෙහි බලපාන හේතු සාධක හදුනාගනිමින් ඇයව තේරුම් ගනිමින් විවාහදිවිය ගෙවන්නට මෙම අවබෝධය ස්වාමිපුරැෂයකු වශයෙන් ඔබටද තිබිය යුතුමය.යමි යමි අවස්ථාවන් වල පීඩාකාරි මානසික පසුබිමක සිටින ඔබේ දයාබර බිරිද ඒ බව ඔබට නොපවසන්නේද එම පීඩාකාරි බව නිසාමය.එවැනි අවස්ථාවන්වල ඇය මනාව තේරුම් ගැනීම ඇයටද අස්වැසිල්ලකි.එසේ නොවී ඔබද ඇයට තව තවත් පීඩනය එල්ල කිරීමෙන් ඔබේ දයාබර බිරිද තව තවත් අසරණ වනු ඇත.
